Aste honetan Ikas Bizi Astea izan dugu, gure ikasleei ikasturtean zehar ikasitakoa gelatik kanpo praktikan jartzeko aukera ematen dien esperientzia aberasgarria. Egun hauetan zehar, DBHko 1, 2, 3 eta 4. mailako taldeek hainbat irteera eta jarduera egingo dituzte, ikaskuntza, bizikidetza eta gozamen momentuak uztartuz. Jardueren artean, fenologiari buruzko tailerrak, larrialdi ikastaroa, EITBko instalakuntzetara bisita, kirol-ekintzak eta olinpiadak izan dituzte.

Aste honen helburua eginez ikastea da, gelan eskuratutako ezagutzak benetako egoeretan aplikatzea, eta jakin-mina, lankidetza eta ingurumenarekiko zein kultura lokalarekiko errespetua sustatzea. Zalantzarik gabe, aukera bikaina da gure ikasleentzat ikaskuntza era aktibo, esanguratsu eta dibertigarrian bizitzeko.